Nýjar myndir voru að berast frá borgara af vettvangi eldsvoðans á Stúdentagörðunum í gærkvöld. Eins og fram kemur í frétt Vísis var kona vistuð í fangageymslu í nótt vegna eldsvoðans. Konan var ekki skráður leigutaki. Eldur kviknaði í íbúð á fyrstu hæð á Stúdentagörðunum við Eggertsgötu í vesturbæ Reykjavíkur og lagði mikinn reyk frá íbúðinni. Greiðlega gekk að slökkva eldinn í gærkvöld og breiddi hann ekki úr sér út í aðrar íbúðir.
Fram kemur í frétt Vísis að óheimilt sé að framleigja íbúðir Stúdentagarðanna.
Konan verður yfirheyrð í dag.
