Kramhúsið heldur dans- og fjölskylduhátíðina Kátt í Kramhúsinu næsta sunnudag, með fjölbreyttri dagskrá fyrir fullorðna og börn.
Öll innkoma af gleðinni rennur til Jónu Elísabetar Ottesen, stofnanda barnahátíðarinnar Kátt á Klambra, sem slasaðist alvarlega í bílslysi fyrir skömmu.
Sjá einnig: Safna fyrir Jónu sem hlaut mænuskaða í bílslysi um helgina
Skráning í tímana byrjar innan skamms á www.kramhusid.is og gefa allir kennarar og starfsfólk Kramhússins tíma sinn.
Tímarnir sem boðið er upp á eru:
11:00-12:00 Fjölskylduafró með Söndru og Mamady
Börn og foreldrar dansa saman afrískan dans í bland við leiki við lifandi trommuslátt
11:00-12:00 Latin Fitness Bomba með Berglindi Jóns
Kraftmikil salsa-innblásin dansþjálfun við latin músík, hentar öllum sem hafa gaman af því að dilla mjöðmunum og vilja svitna!
12:00-12:45 Fjölskyldujóga með Ásu Sóley
Stuttur og gefandi tími fyrir börn og fullorðna
12:00-13:00 Pilates með Ásdísi
Pilates byggist á því að hver æfing virkjar djúpu kviðvöðvana og aðferðin leggur áherslu á að styrkja svæðið sem kallað er aflstöðin, þ.e. kviðinn, mjóhrygginn, ytri og innri lærvöðvana og rassinn.
16:00-17:00 Broadway söngleikir – stólatími með Margréti Maack
Broadwayklisjur og dýrðarljómi liðinnar tíðar! Ekki gleyma jazzhöndunum heima. Sjóðandi heitur og sexí tími sem styrkir maga og bak.
16:00-17:00 90s-00’s með Berglindi
Stuðtími fyrir alla sem elska að rifja upp mestu gleðismelli fyrri áratuga. Dillum okkur við Britney, Spice Girls, NSYNC og fleiri.
17:00-18:00 Afró með Söndru og Mamady
Afrískur dans með lifandi trommuslætti fyrir þá sem vilja gleyma sér í hita, svita og gleði.
17:00-18:00 Beyoncé með Siggu Ásgeirs
Stórskemmtilegur dívu-svitatími þar sem mjaðmasveiflur og gellulæti eru í fyrirrúmi.
Þeir sem komast ekki á hátíðina, en vilja leggja söfnuninni lið geta lagt inn á styrktarreikning sem stofnaður var fyrir Jónu:
Reikningur 528-14-401998, kennitala 701111-1410.
Margir hafa sett sig í samband við fjölskyldu Jónu og boðið fram aðstoð sína á einn eða annan hátt. Sem dæmi hafa ljósmyndararnir Brynjar Snær og Lilja Jóns boðið myndatökur og vilja að greiðslan fyrir renni í heild til Jónu.
