Gareth Bale, leikmaður Real Madrid, gæti gengið í raðir Manchester United í sumarglugganum.
Bale er sterklega orðaður við lið United og hefur í raun verið í mörg ár en hann samdi við Real upphaflega árið 2013.
Walesverjinn kostaði liðið þá 90 milljónir punda en ljóst er að hann mun kosta önnur lið minna í sumar.
Samkvæmt Marca er möguleiki á því að Bale fari frá Real fyrir eins lítið og fimm milljónir punda.
Það yrðu þó ekki endanleg félagaskipti en Bale gæti farið sömu leið og James Rodriguez sem gerði tveggja ára lánssamning við Bayern Munchen.
Real fékk fimm milljónir punda fyrir Rodriguez og gæti liðið gert það sama varðandi Bale.