Í tilkynningunni segir að félagði sé nú á lokametrunum við að ljúka fjárfestingu og að fá nýja eigendur að félaginu. Allt flug hafi verið stöðvað þar til þeim samningum verði lokið. Nánari upplýsingar verði gefnar klukkan 9.
Félagið þakkar farþegum síðan fyrir stuðninginn og biðst afsökunar á þeim óþægindum sem þetta veldur þeim.
WOW air hefur róið lífróður undanfarna daga en reynt hefur verið að bjarga því frá gjaldþroti. Kröfuhafar tóku félagið yfir, að stórum hluta, í byrjun vikunnar og síðan hefur verið unnið að því, með ráðgjöfum, að fá nýja eigendur til liðs við félagið. Rætt hefur verið um að leggja þurfi félaginu til 5 milljónir dollara og að það muni tryggja viðkomandi fjárfesti/fjárfestum 51 prósent hlut í félaginu.
