Hildur Björnsdóttir, borgarfulltrúi Sjálfstæðisflokksins, gefur lítið fyrir hugmyndir um göngubrú eða undirgöng við Hringbraut. Grínistinn Halldór Halldórsson, best þekktur sem Dóri DNA, tísti í dag um frétt Eyjunnar um hugmyndir Ólafs Guðmundssonar, umferðarfræðings, um göngubrú yfir Hringbraut. Ólafur, sem er sérfræðingur í umferðarmálum, sagði hraðatakmarkanir ekki leysa neinn vanda heldur skapa enn meiri umferðarteppur og mengun.

Sjá einnig:  Ólafur skýtur niður umbótahugmyndir Lífar:„Þetta hefur ekkert með hraðann að gera“

Halldór dregur orð Ólafs í efa og segir: „Sorrí, en finnst fólki bara í lagi að leggja brýr og undirgöng á hringbrautina? Ég veit að þessi maður er umferðarfræðingur, en þurfum við kannski frekar skipulagsfræðinga að borðinu?“

Hildur svarar tístinu og segir:

„Mér finnst það ekki í lagi. Slysakort sýna að slys við Hringbraut verða á mjög dreifðu svæði. Ein göngubrú/undirgöng munu aldrei leysa slysahættuna við Hringbraut. Þau yrðu fyrst og fremst kostnaður fyrir skattgreiðendur sem myndi ekki leiða til bestu niðurstöðu“

Hildur Björnsdóttir er því ósammála Ólafi Guðmundssyni og einnig ósammála Kjartani Magnússyni, fyrrverandi borgarfulltrúa Sjálfstæðisflokksins, sem reyndi í mörg ár að fá göngubrú yfir Hringbraut.

Sjá einnig: Líf boðar róttækar umbætur:„Í mínum huga á að draga úr umferðarhraða á Hringbraut“

Mér finnst það ekki í lagi. Slysakort sýna að slys við Hringbraut verða á mjög dreifðu svæði. Ein göngubrú/undirgöng munu aldrei leysa slysahættuna við Hringbraut. Þau yrðu fyrst og fremst kostnaður fyrir skattgreiðendur sem myndi ekki leiða til bestu niðurstöðu.

— Hildur Björnsdóttir (@hildurbjoss) January 10, 2019