Ríflega fertugur bandarískur karlmaður, Jay Paul Robinson, sem er grunaður um ýmis kynferðisbrot, er talinn hafa flúið til Íslands. Hann liggur meðal annars undir grun um að hafa falið myndavél á snyrtingu bókasafns í vesturhluta Missouri.
Columbia Tribune greinir frá þessu en RÚV fjallaði fyrst um málið á Íslandi. Auk þess að hafa falið myndavélina er hann enn fremur grunaður um fleiri kynferðisbrot, meðal annars nauðgun.
Hann var handtekinn í byrjun ágúst í Missouri en nokkrum dögum síðar var hann flúinn úr landi. Lögregla komst síðar að því að hann hafi bókað flug frá Chicago til Íslands í ágúst. Óvíst er hvort hann hafi dvalist til lengri tíma á Íslandi, og geri jafnvel enn.
