Lögreglan handtók fyrr í dag fimm barna móður í Hafnarfirði. Fréttablaðið greinir frá þessu. Þar kemur fram að lögreglan hafi notið aðstoðar barnaverndarnefndar. Börnin eru á aldrinum 10 til 17 ára og er fjölskyldan frá Afganistan.
Skúli Jónsson aðstoðaryfirlögregluþjónn segir í samtali við Fréttablaðið.
„Þetta snýr að börnum sem hún er með hér á landi. Börn sem eru núna komin í umsjá barnaverndaryfirvalda.“
Í samtali við Fréttablaðið sagði Skúli að konan væri grunuð um brot gegn útlendingalögum en vildi þó ekki greina nánar í hverju brotin væru fólgin.