Búið er að bjarga fimmta drengnum úr hellunum á Taílandi. Þetta hefur CNN eftir sjónarvotti á vettvangi. Þá segir Reuters-fréttastofan frá því að drengurinn hafi komið út úr hellinum á sjúkrabörum.

Farið var með hann í flýti á sjúkrahús þar sem hann læknar munu meta ástand hans. Mikil fagnaðarlæti eiga að hafa brotist út fyrir utan hellinn þegar til drengsins sást. Drengirnir fóru inn í hellinn, ásamt þjálfa sínum þann 23. júní og hafa því verið fast í rúmlega tvær vikur. 

Eftir að drengjunum fjórum var bjargað í gær voru þeir settir í einangrun en þar munu þeir dvelja næstu daga vegna margvíslegra sjúkdóma sem þeir kunna að hafa nælt sér í. Reikna má fastlega með því að fimmti drengurinn fái sömu meðferð.

Fréttin verður uppfærð.