Skotinn Markus Meechan hefur verið dæmdur fyrir hatursorðræðu í Skotlandi eftir að hann kenndi hundi kærustu sinnar að heilsa að hætti nasista. Markus þessum fannst uppátæki sitt svo sniðugt að hann birti það á YouTube þar sem milljónir hafa horft á það.
Málið þykir nokkuð óvenjulegt en á myndböndunum má meðal annars sjá þegar Markus spyr hundinn, Buddha, hvort hann vilji senda „gyðingana í gasklefann?“
Buddha var búinn að læra það að þessi setning boðaði eitthvað gott og varð hann spenntur í hvert skipti sem hann heyrði setninguna. Þá kenndi Markus hundinum að rétta fram annan fótinn þegar hann sagði „sieg heil“.
Meechan sagði við yfirheyrslur hjá lögreglu að um saklaust grín hafi verið að ræða. Hann hafi viljað pirra kærustu sína. Lögreglan keypti þær skýringar ekki alveg og ákvað að sekta Markus um sem nemur rúmum 100 þúsund krónum.
Markus segist vera þeirrar skoðunar að sektin setji slæmt fordæmi og telur að hún vegi að tjáningarfrelsinu.
Myndböndin má sjá hér fyrir neðan:
