Tobba Marinós hélt útgáfuboð síðasta vetrardag til að fagna nýjustu bók sinni Náttúrulega sætt. Fjöldi góðra gesta mætti á veitingastaðinn Cocoo´s Nest á Grandagarði til að samgleðjast Tobbu, smakka girnilega rétti og fá eintak af bókinni. Að eigin sögn er Tobba annálaður sælkeri, en jafnframt umhugað um hollt mataræði. Í bókinni sýnir hún hvernig búa má til ljúffenga en um leið holla eftirrétti, kökur og sætmeti og er bókin allt í senn sumarleg og falleg og réttirnir ljúffengir og hollir.
FRÁBÆR ÞRENNA Tobba ásamt kærastanum, Karli Sigurðssyni, og dóttur þeirra, Regínu. Dóttirin lék á als oddi í útgáfupartíinu og var ófeimin við gestina.
GÓÐ SAMVINNA Tobba og vinkona hennar, Íris Ann Sigurðardóttir, sem tók allar ljósmyndir í bókina.
MATGÆÐINGUR MÆTTUR Ástríðukokkurinn Albert Eiríksson mætti til að samgleðjast Tobbu, en Albert er með vefsíðuna alberteldar.com þar sem finna má fjölda góðra uppskrifta og ráða.
FLOTTIR FEÐGAR Feðgarnir Karl og Sigurður Sófus Karlsson eru einstaklega hæfileikaríkir hvor á sínu sviði, Karl í tónlistinni og Sigurður í leiklistinni.
SUMARLEGAR OG SÆTAR Vinkonurnar Þóra Sigurðardóttir og Kolbrún Pálína Helgadóttir voru ferskar og sumarlegar á síðasta vetrardegi.
GÓÐUR GESTUR Berglind Ólafsdóttur, framkvæmdastjóra Borgarleikhússins, leist vel á bókina.