Þorgeir Ingi Njálsson, dómstjóri Héraðsdóms Reykjaness, vann tíu milljón króna Lesxus-bifreið í áskrifendahappdrætti Morgunblaðsins. Bifreiðin er að gerðinni Lexus NX 300h F Sport og er öll hin glæsilegasta.
Fram kemur á vef Morgunblaðsins að bifreiðin verði afhent á morgun. „Áskrifendahappdrættið var samstarfsverkefni Morgunblaðsins og Lexus. Það voru þeir Páll Þorsteinsson, upplýsingafulltrúi Toyota á Íslandi, og Haraldur Johannessen, ritstjóri Morgunblaðsins, sem drógu út vinningshafann.“
