Christen McGinnes skaut sjálfa sig í höfuðið árið 2010. Hún missti hægra kjálkabein, þriðjung af tönnum sínum og tungu við sjálfsvígstilraunina. Christen reyndi að svipta sig lífi eftir að hafa barist við andleg veikindi í kjölfar erfiðara atburða.
„Fyrir 2009 átti ég frábært líf. Ég átti marga vini, ég elskaði vinnuna mína og amma mín var besta vinkona mín. Svo fór allt til helvítis. Ég missti vinnuna. Amma mín dó. Ég var í sambandi með virkilega vingjarnlegum náunga. Ég flutti inn til hans og hann hætti síðan með mér. Ég tapaði öllu sparifénu mínu og byrjaði að drekka heiftarlega. Á þessum tíma þá taldi ég að það rétta í stöðunni væri að drepa sjálfa mig,“ sagði Christen við Barcroft TV.
Þegar Christen skaut sjálfa sig var herbergisfélagi hennar sofandi í næsta herbergi. Herbergisfélaginn hringdi í sjúkrabíl sem fór með Christen á sjúkrahús.
Christen var í dái í þrjá vikur. Hún hefur farið í 49 skurðaðgerðir til að endurbyggja andlit sitt. Hún mun þurfa að fara í fleiri aðgerðir í framtíðinni.
„Ég held að stærsta breytingin fyrir mig var að sjá hversu mikinn stuðning ég hafði í raun og veru, og hversu mörgum þótti virkilega vænt um mig. Það tók reiðina og þunglyndið í burtu.“
Christen vinnur nú sjálfboðavinnu hjá Trauma Network Centre. Hún er einnig ötull talsmaður þess að talað sé opinskátt um andleg veikindi.
„Með því að tala um sjálfsvíg og viðurkenna að við höfum verið þar, þá veit annað fólk að það er ekki aleitt.“
Horfðu á Christen segja sögu sína hér að neðan.
[youtube https://www.youtube.com/watch?v=yDcuETXWsr4&w=560&h=315]
