Töluverður erill var hjá lögreglu í nótt en flest verkefnin tengdust ökumönnum sem grunaðir voru um ölvunarakstur eða akstur undir áhrifum fíkniefna. Þetta kemur fram í dagbók lögreglunnar. Þar segir frá því einnig að á þriðja tímanum í nótt var kona handtekin í miðbænum vegna ölvunarástands og fyrir að bíta lögreglumann er hann hugðist hjálpa henni. Gistir konan nú fangageymslur.
Um hálffjögurleytið í nótt var tilkynnt um líkamsárás í miðbænum, maður var sleginn með flösku í höfuðið. Sjúkrabíll kom á vettvang og flutti manninn á bráðamóttöku LSH. Gerandi er ókunnur.
Klukkan 23:23 í gærkvöld var stúlka handtekin í Grafarvogi, Mosfellsbæ eða Árbæ vegna líkamsárásar og gistir hún fangageymslur.