Rafmagnslaust er nú í Garðabæ og Hafnarfirði samkvæmt Facebook-síðu HS Veitna. „Rafmagnslaust er í Hafnarfirði og á Álftarnesi eins og er og okkar menn leita nú bilunar. Við setjum inn fréttir um leið og við vitum meira,“ segir í stöðufærslu.
Tvær konur skrifa athugasemd og kvarta undan þessu þar sem þær voru að baka piparkökur. Önnur hafði tekið sér frí sérstaklega til þess. Því svara HS Veitur: „Við vonum að þetta taki stutta stund. við viljum nú síst skemma stemminguna í piparkökubakstrinum.“
