„Það er alltaf verið að byggja eitthvað en það er langt frá því að vera nóg,“ segir fasteignasalinn Hannes Steindórsson. Hann telur ástæðu gríðarlega verðhækkana á fasteignamarkaði þá einföldu staðreynd að framboð annar ekki eftirspurn.

Hannes var gestur Björns Inga Hrafnssonar í þættinum Eyjunni á ÍNN síðastliðið fimmtudagskvöld. Hann segir að ástandið hafi aldrei verið jafn slæmt og það er í dag. Þá þykir Hannesi ólíklegt að markaðurinn nái jafnvægi á næstu árum.

Hannes nefnir að um 400 til 500 eignir í fjölbýli séu til sölu á öllu höfuðborgarsvæðinu og þar af eru 11 íbúðir til sölu á höfuðborgarsvæðinu sem séu 70-100 fermetrar og sett verð er undir 30 milljónum.

Hér að neðan má sjá viðtalið við Hannes í heild sinni