Katie Johnson, 21 árs, gekkst undir tvöfalda kjálkaaðgerð í júní 2018. Síðan þá hefur líf hennar breyst en hún þurfti að læra að borða og tala upp á nýtt. Katie deilir myndum af sér fyrir og eftir aðgerðina á TikTok og hefur myndbandið fengið yfir fjórtán milljón áhorf. Þú getur horft á myndbandið neðst í greininni.
Katie var með stórt undirbit fyrir aðgerð. Undirbit, eða „skúffubit“ eins og það er stundum kallað, þýðir að framtennur neðri góms sitja framar en framtennur efri góms.
Katie segir að hún hafi tapað allri tilfinningu í neðri vör, höku og góm eftir aðgerðina.
„En ég er vön því svo það truflar mig ekki,“ segir hún.
Áður en Katie fór í aðgerðina var hún mjög óörugg. Henni var strítt alla skólagönguna og krakkar gátu stundum verið mjög grimmir við hana.
„Það var gert grín af mér og ég gat ekkert gert. Ég forðaðist myndavélina allt mitt líf […] Mér fannst eins og fólk sæi bara undirbitið,“ sagði hún í einlægri færslu á Facebook fyrir ári síðan.
Það eru komin tvö ár síðan Katie undirgekkst aðgerðina og segist hún vera mjög hamingjusöm í dag. Hún segist einnig vera sterkari fyrir vikið.
Það munaði hins vegar litlu að hún færi ekki í aðgerðina.
„Ég hafði þegar hætt þrisvar sinnum við aðgerðina en fór að lokum í hana. Hún breytti lífi mínu. Batinn var allt annað en auðveldur en algjörlega þess virði. Ég þurfti að læra að tala og borða upp á nýtt,“ segir hún.
„Mér hefði aldrei dottið í hug að ég myndi elska að brosa. Og það er svo miklu auðveldara að borða!“
@katiejohn23Can’t believe it’s been 2 years since I said goodbye to my biggest insecurity. ##doublejawsurgery ##transformation♬ something traumatic – courtneyleehewitt
