Flestir hafa einhverja fyndna eða hörmulega stefnumótasögu að segja. Vinkonurnar Daisy King og Alexina bjóðast nú til þess að endurgreiða fólki sem hefur farið á hörmulegt stefnumót.
Daisy og Alexina eru með vefsíðuna RefundMyShitDate.com. Þar getur fólk deilt sínum ömurlegu stefnumótasögum og þær bestu fá allt að átján þúsund króna endurgreiðslu upp í kostnaðinn við stefnumótið. Allar sögurnar eru nafnlausar og eru margar þeirra alveg ótrúlegar.
Hér að neðan má lesa nokkrar þeirra.
„Eftir ágætis stefnumót fór ég heim með gaurnum. Ég kem inn í svefnherbergið hans og sé þarna koju. Hann sagði mér að neðri kojan væri mín og klifraði í efri kojuna og bauð mér góða nótt. Við vorum bæði á þrítugsaldri,“ segir ein kona.
„Þetta var þriðja stefnumótið okkar og fórum á frekar fínt og flott veitingahús. Við pöntuðum mat og drykki, vorum að njóta þar til eiginkona hans mætti á staðinn. Ég hafði ekki hugmynd um að hann væri giftur. Hann yfirgaf staðinn í flýti og skildi mig eftir með reikninginn. Hann grátbað mig um að gefa sér annan séns tveimur dögum seinna. Nei,“ segir konan og bætir við að reikningurinn hafi verið tæplega 40 þúsund krónur.
„Við héldum að það yrði fyndið að panta DNA-próf á netinu. Við komumst að því að við værum skyld, frændsystkin. Engin furða að okkur kom svona vel saman,“ segir einn netverji.
„Við vorum drukkin og vorum að reyna að finna fyrrverandi hvors annars á Facebook í djóki. Fyrrverandi kærasta hans var með sónarmynd sem forsíðumynd. Barnið var hans og hann hafði ekki hugmynd,“ segir ein.
„Ætluðum í lautarferð. Hann mætti skakkur og sagðist vera þyrstur og endaði með að drekka úr tjörninni,“ segir ein kona.
„Skemmtilegur kvöldverður og ég fór heim með henni. Ókei frábært. En síðan krafðist hún þess að ég myndi fara úr skónum og skilja þá eftir við dyrnar svo hún gæti tekið mynd af þeim og sent móður sinni myndina til að fá samþykki hennar,“ segir einn maður.
Þú getur lesið fleiri sögur hér.
