Þeir eru ófáir sem muna eftir stjörnunni Macaulay Culkin. Sumir þekkja hann ef til vill betur sem Kevin McCallister úr McCallister fjölskyldunni, sem gat ekki með nokkru móti munað eftir aumingja drengnum þegar fjölskyldan fór í frí.
Hér er auðvitað verið að tala um sígildu jólamyndirnar Home Alone og Home Alone 2. Fáir úr þúsaldarkynslóðinni tengja ekki við ævintýri Kevins á heimili sínu í Chicago og svo í New York og stríði hans við „sticky bandits“ durtana Harry og Marv.
Það kann því að skjóta mörgum skelk í bringu að heyra að Culkin varð í gær fertugur að aldri.
Culkin hefur reyndar fyrir löngu síðan afsalað sér krúttlegu sakleysi Kevins McCallister, en árið 2004 var hann handtekinn með talsvert magn fíkniefna á sér. Lagði lögregla þá hald á 17 grömm af kannabisefnum, auk rúmlega 30 gramma af diazepam efnum. Í viðtali við blaðið Esquire, í tilefni fertugsafmælis síns segist Culkin hafa snúið baki við fíkniefnum og lífsstílnum sem þeim fylgir. Sagði Culkin: „Ég snerti þau ekki. Ég elska þau samt. Þau eru eins og gamlir vinir. En stundum þarf maður að fjarlægjast vini sína.“ Hann og kærasta sín, Brenda Song, eru nú að reyna að eignast barn, að sögn Culkins.
Macaulay sjálfur ákvað að fagna tímamótunum með því að styggja fylgjendur sína á Twitter, og virðist hafa vitað nákvæmlega hvernig best væri að gera slíkt:
Hey guys, wanna feel old?
I’m 40.
You’re welcome.
— Macaulay Culkin (@IncredibleCulk) August 26, 2020
