Það er búið að aflýsa öllum viðburðum vegna COVID-19, meðal annars swingpartýum. Hvað gerir fólk þá? Það fer í svokallaða „stafræna orgíu“ (e. digital orgy).

Kona segir Cosmopolitan sögu sína. Hún segir frá því hvernig hún og eiginmaður hennar ætluðu í vikulangt swingpartý þegar plönin skyndilega breyttust og þau enduðu með að fara í „stafræna orgíu.“

Hún og eiginmaður hennar hafa verið í sjálfskipaðri sóttkví í mánuð.

„Eins og hjá öllum þá hafa plön okkar breyst. Við ætluðum að fagna fimmtán ára brúðkaupsafmæli okkar í Jamaíku. Við vorum komin með miða á Young Swingers Week sem átti að vera haldið á alræmdu nektarhóteli, Hedonism 2,“ segir hún.

„Okkur dreymdi um dagleg sundpartý þar sem allir eru naktir, kynlíf undir lofti með speglum og eins marga trekanta og orgíur við gætum komið fyrir á dagskránni.“

En þar sem viðburðinum var aflýst vegna COVID-19 enduðu hjónin ein heima.

„Fólk er að missa ástvini og vinnuna, svo ég veit að ég get ekki kvartað yfir því að þurfa að fresta vikulöngu fríi á ströndinni. En við erum samt svekkt yfir því að missa af þessu,“ segir konan.

„Sem betur fer byrjaði swingsamfélagið að nota það sama og allir aðrir núna, fjarfundakerfi á netinu.“

Konan komst á snoðir um kynlífspartý á netinu og fékk boð í það.

Hún lýsir því hvernig þau fóru í gegnum sömu rútínu og þau gera venjulega fyrir swingpartý. Snyrta sig að neðan, stunda kynlíf saman í sturtunni til að slaka á taugunum og að lokum deila með hvoru öðru hvers konar fantasíur þau vilja uppfylla um kvöldið.

„Eiginmaður minn sagðist vilja veita mér munnmök á meðan allir myndu horfa á. Mér fannst það frábær hugmynd,“ segir hún.

Hún lýsir upplifun sinni af kvöldinu í smáatriðum í grein sinni á Cosmopolitan sem má lesa hér. Í heildina voru það 67 manns sem mættu í stafrænu orgíuna.

„Ég þurfti að minna mig á að ég var ekki að horfa á klám. Ég var að horfa á raunverulegt fólk sleppa sér og það kveikti í mér. Það gat ekkert skemmt stemminguna, ekki einu sinni hundur einhvers sem brá fyrir á skjánum.“