Emma Young, 23 ára, ákvað að fagna heilsuferðalagi sínu í færslu á Twitter. Hún hafði ekki hugmynd um að færslan myndi slá í gegn. Nokkrir stórir fjölmiðlar hafa fjallað um sögu Emmu, eins og News.au og Fox News.
Emma deildi tveimur myndum hlið við hlið. Myndirnar eru teknar í sama hótelherbergi en þrjú ár eru á milli myndanna. Á þessum þremur árum hefur Emma misst 22 kíló.
„Sama hótel, þremur árum seinna. Ég hef misst 22 kíló. Ruglað að sjá hversu langt ég er komin,“ skrifar hún á Twitter.
Same hotel 3 years apart. 3 and a half stone down 😎😎 madness to see how far av actually came. Hwg pic.twitter.com/BjTITtti6g
— Emma Young (@emmayoungxx) January 23, 2020
Emma greinir frá því að þegar hún tók fyrstu myndina hafði hún náð botninum. Það var í ágúst 2016. Í febrúar 2017 ákvað hún að gera eitthvað í því og tók til í mataræðinu sínu. Fljótlega fór hún að hreyfa sig einu sinni í viku.
Í dag æfir hún með einkaþjálfara tvisvar til þrisvar í viku og gerir einnig HIIT æfingar og lyftingaræfingar inn á milli.
Þrátt fyrir að hafa gjörsamlega breytt um lífsstíl þá segist Emma ekki vera „ of ströng“ með mataræðið sitt og segir lykillinn vera jafnvægi.
„Ef ég er góð 5/6 daga af 7 þá leyfi ég mér „svindlmáltíð“ (e. cheat meal) Það er mikið auðveldara að borða hollt ef þú leyfir þér að svindla af og til,“ segir hún.
Emma deildi einnig myndinni á Instagram og sagðist ekki hafa áttað sig á hversu langt hún væri komin fyrr en hún sá gömlu myndina af sér.
Hún gefur öðrum ráð að taka fyrir og eftir myndir til að fylgjast með árangrinum.
„Besta leiðin til að fylgjast með árangrinum er 1000 prósent að taka fyrir og eftir myndir. Það hjálpar mér að hvetja mig áfram þegar það eina sem ég vill gera á veturna er að borða súkkulaði/snakk/pítsu/kínverskan mat,“ segir hún.
https://www.instagram.com/p/B7q2MP1H8Y6/?utm_source=ig_embed
