Kardashian fjölskyldan er þekkt fyrir að halda glæsilegar veislur og Khloe Kardashian stóð við það á 36 ára afmæli sínu.
Síðastliðinn laugardag byrjaði Keeping up With the Kardashians-stjarnan daginn á að lesa afmæliskveðjur frá fylgjendum og aðdáendum sínum. Sýndi hún svo aðeins frá undirbúningi veislunnar á Instagram. Þar mátti sjá gríðarstóra bleikar blöðrur um allt, blómvendi og stóra uppblásna rennibraut með andliti Khloe á. Það var ekki það eina sem skartaði andliti stjörnunnar heldur voru púðar og kökur í veislunni með andliti Khloe á.
Þetta var glæsileg veisla. Ástvinir Khloe komu og fögnuðu deginum með henni. Dóttir hennar, True Thompson, naut þess að renna sér á uppblásnu rennibrautinni og Kylie Jenner tók þetta allt saman upp fyrir Instagram. Kris Jenner og kærasti hennar Corey Gamble tóku einnig þátt í fjörinu. Fleiri gestir voru barnsfaðir Khloe, Tristan Thompson, Kourtney Kardashian og Kendall Jenner.
Myndirnar hér að neðan sýna frá þessu glæsilega boði.
