Paolo er frá Tókýó og heldur úti samnefndri YouTube-rás. Hann er með yfir milljón áskrifendur á miðlinum. Í nýju myndbandi sýnir hann hvernig dagur er í lífi japanskrar húsmóður.
Paolo fylgir eftir Tomomi sem 38 ára gömul. Hún býr í Tókýó ásamt eiginmanni sínum og dóttur þeirra, Karin, sem er að verða þriggja ára.
Eiginmaður Tomomi starfar utan heimilisins. Tomomi hugsar um dóttur þeirra og heimilið á daginn. Mæðgurnar eyða mestmegnis af deginum heima, en fara reglulega á leikvöll.
Miso súpa í morgunmat
Tomomi og Karin vakna klukkan 8:30. Fjölskyldan sefur öll saman í einu rúmi, en það er mjög algengt í Japan að börn sofi upp í hjá foreldrum sínum þar til þau byrja í grunnskóla.
Fyrsta hlutverk Tomomi á morgnanna er að útbúa morgunmat. Það er ekkert morgunkorn og mjólk, heldur býr hún til miso súpu.
Karin á eigin síma og horfir á barnamyndbönd á YouTube og borðar hrísgrjón á meðan móðir hennar býr til morgunmat.
Sjáðu hvernig dagur er í lífi japanskrar húsmóður í myndbandinu hér að neðan.
