fbpx
Þriðjudagur 27.október 2020

Stjörnuspá vikunnar: Það geislar af þér sjarmi og kynþokki þessa vikuna

Ritstjórn Bleikt
Sunnudaginn 2. febrúar 2020 20:30

Ekki missa af Helstu tíðindum dagsins í pósthólfið þitt

Lesa nánar

Stjörnuspá vikunnar

Gildir 2. – 8. febrúar

stjornuspa

Hrútur
21. mars–19. apríl

Ekki eyða tíma þínum í að vera reið/ur. Þótt ríkt hafi eitthvert ósætti á milli þín og einhvers þá er best að grafa stríðsöxina og horfa fram á veginn. Stundum er ágætt að setja sig í spor annarra og þá sér maður að viðkomandi meinti ekkert illt heldur er að berjast við eigin djöfla.

stjornuspa

Naut
20. apríl–20. maí

Þig vantar smá fjör í lífið og leitar til vina og vandamanna til að skipuleggja einhverja stórkostlega ferð eða viðburð. Hér er skipulagt stutt fram í tímann og því ljóst að þetta stuð fer fram í nánustu framtíð. Á meðan þú bíður skaltu reyna að komast að því hvaðan þessi leiði þinn kemur.

stjornuspa

Tvíburar
21. maí–21. júní

Þetta er klárlega vikan þar sem þú finnur fyrir mikilli velgengni í vinnunni. Á vinnustaðnum hefur verið mikill samdráttur og þú hefur sloppið vegna vinnusemi þinnar og dugnaðar. Það er því súrsætt að ganga svo vel á meðan aðrir þurfa að taka pokann sinn. Reyndu samt að njóta þess og halda áfram á sömu braut.

stjornuspa

Krabbi
22. júní–22. júlí

Ef þú átt inni smá sumarfrí þá skaltu taka það út núna þar sem hausinn þinn er úti um allt þessa vikuna. Þú þarft að fá lausan tauminn til að gera það sem þú vilt, ekki það sem yfirmaðurinn vill. Þú átt erfitt með að sitja kyrr og finnur fyrir mikilli ólgu innra með þér, sem er samt mjög jákvæð.

stjornuspa

Ljón
23. júlí–22. ágúst

Lofuð ljón eru byrjuð að skipuleggja Valentínusardaginn og eru uppfull af þrá og ástríðu. Hins vegar virðist makinn ekki vera á sömu blaðsíðu og því er mikilvægt að þið talið vel saman svo enginn verði fyrir vonbrigðum. Einhleyp ljón eru nákvæmlega það – ein. Þetta er einfaldlega ekki réttur tími fyrir ástina og hún kemur þegar þú ert tilbúin/n.

stjornuspa

Meyja
23. ágúst–22 .sept

Þú finnur fyrir nýju öryggi og festu og hefur nóg sjálfsöryggi til að segja maka þínum hvað þig dreymir um í svefnherberginu. Út frá því taka við margar nætur af ástríðu og girnd, sem er einmitt það sem þú þurftir í lífinu. Ekki hafa áhyggjur af hversdagslegu hlutunum – njóttu bara undir sænginni.

stjornuspa

Vog
23. sept–22. okt

Þú setur þér raunhæf heilsumarkmið sem þú stendur við. Þú finnur einhverja hreyfingu eða mataræði sem hentar þér og kroppurinn blómstrar, án þess að þú þurfir að segja nei við öllu sem þú elskar. Þetta er þinn tími, kæra vog. Það eru miklar breytingar í gangi en þú ætlar ekki að bugast.

stjornuspa

Sporðdreki
23. okt–21. nóv

Lofaðir sporðdrekar eru í daðurstuði en þú skalt passa þig á einu – ekki láta vænlegan vonbiðil renna þér úr greipum því þú þykist vera of merkileg/ur eða hafa of mikið að gera. Stundum er ekki gott að láta ganga á eftir sér og ef þú ert tilbúin/n í eitthvað meira en daður skaltu láta vita.

stjornuspa

Bogmaður
22. nóv–21. des

Þú leitar í öryggið og hlýjuna heima hjá þér og nennir varla að fara út úr húsi nema til að gera það allra nauðsynlegasta. Þú nýtur tímans í örygginu og hefur enga löngun til að upplifa ævintýri. Þetta er tímabil og svo lengi sem þér líður vel þá má það vara eins lengi og þú vilt.

stjornuspa

Steingeit
22. des–19. janúar

Það er rosalega mikið að gera hjá þér og þú tekur að þér alls kyns aukavinnu. Það þýðir að þú hefur minni tíma fyrir vini og fjölskyldu, en það er allt í lagi við og við. Þegar vinnutímabilinu lýkur skaltu leggja áherslu á að hafa gaman, bjóða í mat og hlæja svolítið mikið.

stjornuspa

Vatnsberi
20. janúar–18. febrúar

Þú leggur mikið upp úr því að koma fjármálunum í lag og febrúarmánuður er akkúrat rétti tíminn til að gera það. Mánuðurinn er aðeins styttri en hinir, þótt hann sé langur í ár, og því nærð þú að rétta vel úr kútnum ef þú skipuleggur þig, eyðir ekki umfram efni og skipuleggur framtíðina – sem þarf ekki alltaf að vera leiðinlegt.

stjornuspa

Fiskar
19. febrúar–20. mars

Það geislar af þér sjarmi og kynþokki þessa vikuna, en þú vilt ekki eyða þessari orku í eitthvað sem skiptir ekki máli. Notaðu hana og beislaðu til að fá þínu framgengt og láta ástvinum þínum líða vel í kringum þig. Þú hefur marga fjöruna sopið og nú er kominn tími til að þú njótir lífsins út í ystu æsar.

Afmælisbörn vikunnar

2. febrúar – María Ólafsdóttir söngkona, 27 ára
3. febrúar – Guðrún Dögg, fyrrverandi fegurðardrottning, 29 ára
4. febrúar – Bergrún Íris Sævarsdóttir rithöfundur, 35 ára
5. febrúar – Ásta Guðrún Helgadóttir stjórnmálakona, 30 ára
7. febrúar – Ívar Örn Sverrisson leikari, 43 ára
7. febrúar – Smári McCarthy stjórnmálamaður, 36 ára
8. febrúar – Jóhann Hjartarson skákmaður, 57 ára

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 4 klukkutímum

Byrjaðir að skoða næstu stjörnu frá Íslandi til að koma á kortið – Jóhannes mættur til félagsins

Byrjaðir að skoða næstu stjörnu frá Íslandi til að koma á kortið – Jóhannes mættur til félagsins
433Sport
Fyrir 5 klukkutímum

Mourinho birtir mynd úr klefa Tottenham sem vekur athygli – „Tímana tákn“

Mourinho birtir mynd úr klefa Tottenham sem vekur athygli – „Tímana tákn“
Fyrir 6 klukkutímum

Fullkomin bók um veiði 

Fullkomin bók um veiði 
433Sport
Fyrir 6 klukkutímum

Rekinn fyrir að hleypa léttklæddum konum inn á slóðir sem Íslendingar þekkja

Rekinn fyrir að hleypa léttklæddum konum inn á slóðir sem Íslendingar þekkja
Eyjan
Fyrir 7 klukkutímum

80-90% samdráttur hjá leigubifreiðastjórum – Leigubifreiðum hefur fækkað um 20%

80-90% samdráttur hjá leigubifreiðastjórum – Leigubifreiðum hefur fækkað um 20%
Pressan
Fyrir 8 klukkutímum

Fordæma skoðun kvensjúkdómalæknis á farþegum á flugvelli í Katar

Fordæma skoðun kvensjúkdómalæknis á farþegum á flugvelli í Katar
Pressan
Fyrir 10 klukkutímum

Aðventuljósin vekja mikla athygli – „Allir með standpínu fyrir framan Jesú“

Aðventuljósin vekja mikla athygli – „Allir með standpínu fyrir framan Jesú“
Fréttir
Fyrir 17 klukkutímum

Hafnfirðingur ákærður fyrir flugeldamisferli – Ekki tekst að birta honum ákæru

Hafnfirðingur ákærður fyrir flugeldamisferli – Ekki tekst að birta honum ákæru

Tarot Spil

Veldu þér spil og sjáðu spádóm þinn.