Lögreglan í Bandaríkjunum gefa nú út viðvörun til foreldra eftir að hafa stöðvað bíl í „áhættusamri“ aðgerð.
Í færslu á Facebook deilir vegaeftirlit lögreglu í Kaliforníu mynd af miða þar sem stendur: „HJÁLP HÚN ER EKKI MAMMA MÍN!! HJÁLP!!“
Ung stúlka sem var farþegi í bíl hélt á miðanum og tóku aðrir ökumenn eftir honum og höfðu samband við lögreglu. Fjöldi lögreglumanna og lögregluhundur framkvæmdu „mjög áhættusama aðgerð“ þar sem bifreiðin var stöðvuð á þjóðveginum.
„Það kom í ljós að unglingurinn hafði búið þetta til og hélt að þetta væri eitthvað skemmtilegt að gera. Móðirin vissi ekki hvað dóttir hennar var að gera, og eftir að það var ákveðið að það væri ekkert í gangi þá fengu þær að fara af vettvangi,“ segir í færslu lögreglunnar.
Færslan endar á því að lögreglan varar foreldra við og segir þeim að „vera alltaf meðvitaðir um hvað börnin eru að gera í aftursætinu.“
„Sex lögreglubílar voru kallaðir á vettvang í stað þess að sinna öðrum alvöru verkefnum.“
En foreldrar tóku ekki vel í viðvörun lögreglunnar og skrifuðu nokkrir við færsluna að það væri erfitt að vita stöðugt hvað börnin væru að gera í aftursætinu.
„Ég vil frekar vera mamman með augun á veginum heldur en að vera stöðugt að stara aftur fyrir mig,“ skrifar ein kona við færsluna.
Hvað segja lesendur, ætlast lögreglan til of mikils til af foreldrum?