Lilly og Autumn flissa á meðan þær sitja á rúminu og blása upp blöðrur. En þær eru ekki að undirbúa barnaafmæli, heldur eru þær vændiskonur og eru að undirbúa komu viðskiptavinar með blæti fyrir blöðrum.

Lilly kemur fram í breska sjónvarpsþættinum A Very Yorkshire Brothel. Hún segir frá því hvernig hún átti erfitt með að hlægja ekki þegar maðurinn bað um þessa tilteknu þjónustu í fyrsta skipti.

„Í hvert skipti sem ég sprengdi blöðru flissaði ég,“ segir hún. „Þetta var mjög gaman. Ég fékk borgað fyrir að flissa í klukkutíma.“

Nú er hún með fleiri viðskiptavini sem hafa einnig miklar mætur á blöðrum.

„Sumir vilja að þú sprengir blöðrurnar á milli fótleggjanna og sumir að þú gerir það með höndunum. Einn gaurinn vill að ég skoppi á þeim þar til ég sprengi þær með rassinum. Engir tveir dagar eru eins,“ segir hún.

Lilly er ein af tíu vændiskonum sem vinnur á vændishúsi sem mæðgurnar Kath og Jenni reka.

Ryksugan á fullu

Í þættinum er einnig rætt við hana 32 ára gömlu Jenni sem á vændishúsið með móður sinni. Hún fékk furðulega beiðni senda í tölvupósti. „Gerir einhver ykkar ryksugu rúm?“

Jenni veit ekki alveg hvað það þýðir og leitar svara á Google. Það kemur í ljós „ryksugu rúm“ er ákveðið blæti þar sem manneskja er klædd í latex poka og síðan er sogið allt loft úr pokanum þar til manneskjan getur ekki hreyft sig, og andar út um lítið gat.

„Blæti eru sífellt að verða algengari og furðulegri. Ég er frekar mikil tepra. Ég skil ekki hvaðan þau fá þessar fantasíur,“ segir hún.

„Í síðustu viku vildi maður vera pakkaður inn í hreinsaðri bómull,“ segir þá móðir hennar, Kath.

Vændiskonan Autumn segist vera reiðubúin að skoða nánast hvaða blætisbeiðni sem er. Vinsælasta óskin á vændishúsinu er að líkamsnudd með öllum líkama konunnar, og nóg af olíu. Skiljanlega þurfa þær að þvo allt að sex þvottavélar á dag, því þetta allt skilur eftir sig frekar mikinn óþrifnað.

Horfðu á Jenni og Kath finna út hvað ryksugurúm er.