Mark var 49 ára þegar hann kynntist kærasta sínum Kayleb Alexander. Þá var Kayleb 17 ára. Þeir hafa verið saman í tæplega sex ár og segja frá sambandi sínu í viðtali við Barcroft TV.
Mark segir það vera lang erfiðast að kljást við gagnrýnina á netinu. Þar er hann kallaður barnaníðingur og sagt að sambandið þeirra sé sjúkt.
Hann segir samfélagið líta allt öðruvísi á samband eldri karlmanna við yngri konur heldur en eldri karlmanna við yngri menn.
Kayleb er vinsæll á YouTube og gera þeir reglulega myndbönd saman. Það er því mikið um neikvæða gagnrýni á samband þeirra.
Kayleb segir að það sem truflar hann helst er þegar fólk kallar Mark barnaníðing. „Það er vegna þess að það eru til alvöru barnaníðingar þarna úti. Kærasti minn er í sambandi með 23 ára fullorðnum karlmanni,“ segir Kayleb.
Horfðu á umfjöllun Barcroft Tv um þá hér að neðan.
