Miley Cyrus og Kaitlynn Carter hafa verið að njóta lífsins á Ítalíu síðustu daga. Fjölmiðlar vestanhafs hafa birt myndir af þeim kyssast og faðmast á bát þar sem þær sigldu yfir Como-vatn á Ítalíu.
Það eru aðeins örfáir dagar síðan People greindi frá skilnaði Miley og Liam Hemsworth eftir tíu mánðaa hjónaband.
Í kjölfarið gaf talsmaður Miley út yfirlýsingu þar sem orðrómurinn var staðfestur.
„Þau eru í stöðugri þróun, bæði sem par og sem einstaklingar. Þau hafa ákveðið að þetta sé best fyrir þau bæði á meðan þau einbeita sér að framanum og sjálfum sér. Þau munu hugsa um öll dýrin sín í sitthvoru lagi á meðan þau eru aðskilin,“ stóð í yfirlýsingunni.
Síðustu daga hefur Miley verið að ferðast um Ítalíu. Hún hefur verið að ferðast með Kaitlynn Carter, fyrrverandi unnustu Brody Jenner og tengdadóttur Caitlynn Jenner.
Þær hafa báðar deilt myndum úr fríinu.
En Miley og Kaitlynn eru ekki aðeins vinkonur á ferðalagi. Hugsanlega er um nýtt stjörnupar að ræða, eða þær séu bara að njóta lífsins og augnabliksins. Sjáðu myndirnar hér að neðan.
Miley hefur verið mjög opin um kynhneigð sína og segist vera er pankynhneigð. Sem þýðir að hún laðast ekki að einhverju ákveðnu kyni heldur persónuleika einstaklingsins.
