Rebecca Cartellone ákvað að gefa foreldrum sínum DNA-próf í jólagjöf eitt árið, svo fjölskyldan gæti lært um ættartré sitt. Hvorki hún né foreldrar, Joseph og Jennifer, hennar höfðu hugmynd um afleiðingarnar sem prófið myndi hafa.

Fjölskyldan komst að því að Joseph væri ekki líffræðilegur faðir Rebeccu.

Joseph og Jennifer glímdu við frjósemisvandamál áður en þau áttu Rebeccu. Þau ákváðu að fara í tæknifrjóvgun (IVF) sem heppnaðist og Rebecca fæddist árið 1994.

Nú, 25 árum seinna, hafa þau komist að því að sjúkrahúsið og frjósemisstofan notuðu sæði frá öðrum karlmanni.

Hjónin höfða nú mál gegn sjúkrahúsinu, frjósemisstofunni, og Cincinnati borg.

„Þegar við sáum niðurstöðurnar tókum við strax eftir því að Rebecca var ekki með neitt ítalskt erfðaefni. En hennar erfðaefni passaði vel við erfðaefni konunnar minnar,“ sagði Joseph við Good Morning America.

„Fyrst trúði ég þessu ekki, síðan var ég í áfalli og varð síðan reiður.“

Fjölskyldan hélt einnig fjölmiðlafund til að vekja athygli á málinu.

„Aldrei hélt ég, í minni verstu martröð, að DNA-próf í jólagjöf frá dóttur minni fyrir fjölskylduna myndi afhjúpa svona illa meðferð af völdum heilbrigðissérfræðinga, þeirra sem við báðum um hjálp til að byrja með. Þetta hefur verið ótrúlega erfitt fyrir fjölskyldu mína. Ég vill gera allt sem ég get til að tryggja að enginn annar muni fara í gegnum það sama og við,“ sagði Joseph.

Rebecca keypti erfðaefnisprófið fyrir fjölskyldu sína svo þau gætu lært meira um ættartréð. Hún gaf þeim það í jólagjöf í fyrra. Tveimur mánuðum seinna komu niðurstöðurnar. Feðgin fóru í annað próf til að vera viss um að niðurstöðurnar væru réttar, það próf staðfesti það fyrra, að Rebecca er ekki líffræðileg dóttir Josephs.