Sólrún Diego tilkynnti rétt í þess að hún sé hætt á Snapchat. „Ég ætla að loka þessum miðli,“ segir Sólrún. Hún þakkar öllum fylgjendum sínum fyrir samfylgdina.
„Ég hef átt yndislegan tíma á þessum miðli. Hann hefur leyft mér að fá alls konar tækifæri,“ segir Sólrún. Hún segist að lokum ekki alveg hætt á samfélagsmiðlum en hún hyggst snúa sér að Instagram.
Sólrún hefur notið gífurlegra vinsælda á Snapchat en þar fékk almenningur að fylgjast með lífi hennar. Sólrún kann þá list að þrífa heimili betur en flestir og mundar edikbrúsann og matarsódann af einstakri lagni.
Fyrir þar síðustu jól kom út hennar fyrsta bók, Heima, þar sem húsráðum hennar eru gerð góð skil og var hún meðal þeirra best seldu. Þá kom hún einnig á laggirnar sérstakri heimasíðu um þrif, mataruppskriftir og fleira, solrundiego.is.
Sjá einnig: Camilla Rut líka hætt á Snapchat
