Í gegnum tíðina hefur margoft verið gert góðlátlegt grín að fólki sem elskar ketti og þá sérstaklega konum. Þá hefur verið sagt að þær konur sem sanka að sér mörgum köttum séu furðulegar og muni enda einar og yfirgefnar. Nú hefur hins vegar komið í ljós að sú staðreynd virðist vera fjarri sannleikanum.
Samkvæmt nýrri rannsókn sem Metro greinir frá hafa einstaklingar sem eiga kött nú verið tengdir við það að njóta þess að stunda kynlíf með bindingum og BDSM. Rannsóknin gefur til kynna að fólk sem á ketti sé líklegra til þess að verða fyrir áhrifum frá sníkjudýri sem framkallar ástand sem kallast toxoplasmosis sem gerir það að verkum að meiri líkur séu á því að fólk æsist upp við eitthvað sem þó óttast, hættu og undirgefni. Rannsóknin byggir á gögnum sem safnað var um 36.500 manns frá Slóvakíu og Tékklandi. Sum þeirra greindust með toxoplasmosis en önnur ekki.
Rannsóknin segir að þeir einstaklingar sem greindust með toxoplasmosis hafi frekar verið hrifin af hættu og kynferðislegri undirgefni sem þeir telja að geti því verið einkenni ástandsins.
Að sjálfsögðu segja þeir þó að mikill meiri hluti fólks sem sé hrifið af BDSM sé það vegna ást þeirra á því að fá að ráða eða að vera undirgefin þegar kemur að kynlífi. Það þýðir því auðvitað ekki að kettir séu eina ástæðan fyrir öllu BDSM kynlífi í heiminum. En rannsóknin gefur þó til kynna að það geti verið sterkt samband milli sníkjudýrsins sem veldur toxoplasmosis og hugsana fólks til kynlífs vegna þeirra áhrifa sem það hefur á heilann.
