Samkvæmt málssókninni mun árásin hafa átt sér stað 14. desember 2016. Chyna, sem var ölvuð, réðist á Kardashian og að auki lék hún sér með byssu bróður síns á „kærulausan“ máta og beindi henni að Rob og virtist alveg sama hvort að öryggið var á henni eða ekki. Ef að dagsetningin samkvæmt málssókninni er rétt þá átti árásin sér stað nokkrum dögum áður en Rob og Chyna hættu saman svo eftir var tekið á samfélagsmiðlum. Þann 17. desember 2016 hóf Chyna að birta pósta, þar sem staðhæft var að hún hyggðist yfirgefa Rob, sem þá var kærasti hennar. Skilaboðum á milli hennar og lögfræðings hennar var deilt á Instagram, þar sem þau ræddu að hún ætlaði að nota sér nafn fjölskyldunnar án leyfis frá Kris Jenner.
Stuttu eftir það deildi Rob sorgum sínum á Instagram:
„Ég elskaði Angelu. Ég gaf allt sem ég átti handa henni,“ skrifaði hann á Instagram, en þeim pósti hefur verið eytt. „Ég vissi ekki að ég var aðeins peð í tafli hennar. Ég trúði því að hún elskaði mig á sama hátt og ég elska hana og ég er svo særður og mér hefur aldrei liðið svona áður.“
Málssóknin varpar nýju ljósi á þetta furðulega atvik, sem var gert opinbert að mestu á Instagram og Snapchat. Í málsskjölunum er staðhæft að Kylie og Rob hafi mátt þola „nokkra mánuði af meiðslum.“ Því er einnig haldið fram að samband Chyna við Rob hafi verið „áætlun af yfirlögðu ráði til að hafa fé af Kardashian fjölskyldunni og nýta það til eigin hagsmuna.“
