Tara Brekkan Pétursdóttir er gift tveggja barna móðir sem hefur starfað sem förðunarfræðingur í níu ár. Rétt fyrir jólin 2016 ákvað Tara að skella sér út í djúpu laugina og hefja sinn eigin rekstur og opnaði netverslunina Törutrix. Þar er Tara með sína eigin augnháralínu ásamt fleiri snyrtivörum og heilsuvörum.
Ég eeeeeelska Halloween, ég fæ ákveðna útrás við að gera Halloween farðanir. Það er allt hægt að gera og möguleikarnir eru endalausir. Það er alveg ótrúlegt hvað það er hægt að breyta fólki með förðun
segir Tara.
Tara hefur undanfarin ár gert að minnsta kosti eitt Halloween myndband á ári í samstarfi við Partýbúðina en hún segir að einnig sé margt sniðugt á heimilinu sem nota má til að búa til gervi.
Já það er mikil vinna að gera svona myndband ef þú vilt að það sé vel gert. Ég er mikill fullkomnunarsinni þegar kemur að því að gera förðunarmyndbönd. Mér finnst skemmtilegast að taka upp myndbandið, ég dett í rauninni út úr raunveruleikanum og sköpunin tekur við. Ég er aldrei nákvæmlega búin að ákveða hvað ég geri þegar ég sest fyrir framan upptökuvélina, það verður bara eitthvað til.
Tara er ekki viss hvort hún fari í Halloween partý í ár en hún er yfirleitt í því að farða aðra fyrir kvöldið.
Tara er með opið snapchat tara_makeupart þar sem hún er mjög dugleg að sýna sitt daglega líf, gera farðanir, elda og allt það sem henni dettur í hug.
Einnig er hægt að fylgja Töru á eftirfarandi miðlum:
Meðfylgjandi er nýjasta Halloween myndband Töru og er það vægast sagt glæsilegt:
