Dagný Rut sér yfirleitt um gervi og förðun sjálf en hefur stundum leitað aðstoðar annarra.
„Fyrir þremur árum var ég búin að vera klukkutíma að græja mig, leit svo í spegil og hugsaði: „Þetta er ekkert skeirí, þreif allt framan úr mér og byrjaði upp á nýtt,“segir Dagný Rur. Í það skipti var hún hjúkkan með vafningana.
Dagný Rut velur oftast að vera ljót og skeirí og því þarf kannski að vanda sig minna við förðunina. „Ég fæ yfir leitt alltaf bestu hugmyndirnar á síðustu stundu og er þá að sauma fram á síðustu stundu eins og fyrir tveimur árum þegar ég var jólasveininn,“ segir Dagný Rut. „En mér fannst það ekki fallegt gervi sem sagt fallega ljótt.“
Hún er oft í gervi sem veldur því að maður myndi ekkert vilja mæta henni á förnum vegi. „Ég gleymi aldrei þegar ég og vinkona mín vorum að keyra heim frá Kötu sem sá um að farða okkur, hún bjó í Vogum og við þurftum að hitta mág minn á Stapanum,“ segir Dagný Rut. „Við vorum báðar í gervi, með brunasár um andlitið og stóðum upp á Stapa og bílar að keyra fram hjá.“
Dagný Rut furðar sig jafnframt á þeim sem bjóða til annarra viðburða á þessum tíma. „Hver heldur til dæmis brúðkaup á hrekkjavökunni?“
Árlega mætir Dagný Rut síðan í partý til Berglindar vinkonu sinnar sem snýr húsinu gjörsamlega á hvolf og skreytir hátt og lágt í anda hrekkjavökunnar. Þangað mæta flestir í búningi og skemmta sér konunglega við að giska á hver sé á bak við gervið.
Dagný Rut hefur oft unnið til verðlauna á hrekkjavökuballinu í Salthúsinu í Grindavík. Og tvisvar hefur komið fyrir að hún þurfti að deila verðlaunum með Önnu Siggu vinkonu sinni því ekki var hægt að gera upp á milli þeirra.
Hér má gervi Dagnýjar Rutar frá árinu 2008:
