L‘Oréal var að gefa út nýja auglýsingu fyrir farðann True Match. Auglýsingaherferðin kallast „Your Skin, Your Story“ eða „Þín húð, þín saga.“ Fjölbreyttir og ólíkir einstaklingar eins og ófrísk Blake Lively, trans aktívistinn Hari Nef og margir aðrir talsmenn koma fram í auglýsingunni. Þau eru með mismunandi húðlit, hárgerðir og þjóðernisbakgrunn.
„Með því að sýna fjölbreytta flóru af einstaklingum og segja frá ólíkum húðsögum þeirra, þá fagnar nýja True Match herferðin okkar orkunni og fegurðinni að líða vel í þínu eigin skinni.“
sagði Tim Coolican starfsmaður L’Oréal. Þessi auglýsingaherferð kemur fljótlega eftir að Maybelline tilkynnir að Manny MUA verður nýjasta andlit þeirra í auglýsingaherferð fyrir nýja maskarann þeirra. Í lok ársins 2016 tilkynnti CoverGirl að James Charles væri fyrsti strákurinn til að vera andlit þeirra í auglýsingum og að Nura Afia væri fyrsta múslimska konan til að bera höfuðklút í auglýsingum þeirra.
Nú eru snyrtivörufyrirtæki loksins byrjuð að auka fjölbreytni í auglýsingunum sínum, sem er löngu kominn tími á og nauðsynlegt að sé til staðar. Við vonum að fleiri fyrirtæki taki sér þetta til fyrirmyndar og að bráðum verði þetta ekki tilefni til fréttar þegar fyrirtæki sýna svona flotta fjölbreytni í auglýsingum sínum, heldur verði það orðið að almennri venju.
Horfðu á auglýsinguna hér fyrir neðan.
https://www.instagram.com/p/BPBgBOLjtnO/
