Rain Dove er dulkynja fyrirsæta sem gengur niður tískupallana í bæði kvenmannsfötum og karlmannsfötum. Dulkynja er þýðing á enska hugtakinu androgyny og vísar til kyngervis sem felur í sér hluta af bæði karl- og kvenleika. Þó svo að Rain hefur ekki alltaf séð sig sjálfa sem dulkynja þá sá hún sig sem „ljóta konu.“
„Ég hef aldrei verið með slæmar tilfinningar varðandi þetta, mér fannst bara að ég væri kannski þessi eina stelpa,“
sagði Rain við After Ellen. Oft á tíðum heldur fólk að Rain sé karlmaður og hún leiðréttir þau ekki. Í staðinn tekur hún þessum „misskilningi“ sem ávinning að hennar sögn.
„Þegar ég var slökkviliðsmaður þá héldu þeir að ég væri karlmaður og ég ákvað að leiðrétta það ekkert því mig vantaði virkilega vinnu.“
Nú er Rain Dove aktívisti og er að reyna fyrir sér í leiklistinni. Hún vekur mikla athygli á tískupöllunum, bæði í karlmanns- og kvenmannsklæðnaði.
„Við erum öll að reyna að vera einstök og það einstakasta ert þú sjálfur,“ sagði Rain við Buzzfeed.
„Kyngervi er ekki til, það er félagsleg formgerð sem þú þarft ekki að passa inn í. Það er fólk sem elskar þig og það er fólk sem mun elska þig. Það er fólk sem mun taka þér eins og þú ert og ég er ein af þeim.“
