Helga Gabríela deildi girnilegri uppskrift að indversku Dal á bloggsíðu sinni, helgagabriela.is. Bleikt fékk góðfúslegt leyfi að deila uppskriftinni með lesendum.

Þennan einfalda og bragðgóða Dal rétt er frábært að elda nóg af í byrjun vikunnar og eiga til þar sem hann verður bara betri daginn eftir. Kókosmjólkin gerir réttinn að algjörum lúxus þar sem hún er girnilega kremuð um leið og hún er orkugefandi.

Helga Gabríela segist vera dugleg að elda réttinn þar sem hann er einfaldur og góður. Þar að auki elskar hún linsur, þær eru næringarríkar, saðsamar og ódýr fæða.

Magnið af grænmetissoði í uppskriftinni gefur mjög þykka og kremaða áferð, ef þú vilt meiri „súpu fíling“ ekki hika þá við að hella aðeins meira af vökva saman við (en ef þú gerir það, þá þarf væntanlega að bæta aðeins meira af kryddi á móti).

Hráefni Fyrir Dal:

2 msk kókosolía

1 meðalstór laukur, skorinn niður

3 stór hvítlauksrif eða 4 lítil, smátt saxað

2 msk engifer, fínt saxað

3 gulrætur, flysjaðar og skornar niður

2 msk rauðvínsedik

2 tsk garam masala

1 tsk cumin

1/2 tsk túrmerik

1 bolli / 180gr grænar linsur, gott að skola þær

1 dós kókosmjólk

2 bollar / 450ml grænmetissoð

1/2 – 1 tsk himalaya eða sjávarsalt

Ferskur pipar, eftir smekk

50gr spínat

80gr brokkolí

Fyrir hrísgrjónin:

1 bolli basmati hrísgrjón

Kóríander, smátt saxað

safi úr 1/2 sítrónu

1/2 tsk salt

Uppskriftin er passleg fyrir 4

1. Hitið olíuna í potti. Byrjið á því að mýkja laukin í 2-3 mínútur. Bætið svo hvítlauknum og klípu af salti. Eldið þetta yfir miðlungs hita í 4-5 mínútur, eða þangað til þetta er orðin mjúkt.

2. Skellið síðan engiferinu og gulrótunum saman við og mýkið í nokkrar mínútur. Kryddið með garam masala, cumin og túrmeriki. Hrærið öllu vel saman og mýkið í nokkrar mínútur í viðbót eða þangað til eldhúsið fer að ilma.

4. Bætið heillri dós af kókosmjólk útí pottinn, rauðvínsediki, linsunum ásamt grænmetissoði og salti. Náið suðunni upp og lækkið svo niður í hitanum og leyfið að krauma í rólegheitum með loki í u.þ.b 40 mínútur, eða þangað til linsurnar eru orðnar mjúkar (passið að hræra öðru hvoru í pottinum, til að koma í veg fyrir að linsurnar brenni við botninn).

5. Á meðan þetta mallar, eru hrísgrjónin sett í pott og köldu vatni bætt saman við þannig það fljóti 1 cm yfir grjónin. Látið sjóða þar til mest allt vatnið er gufað upp (ekki hafa lok á pottinum). Þá er slökkt undir, lokið sett á og grjónin látin standa í 10 mín og þau eru klár. Hrærið kóríander, klípu af salti útí grjónin og kreistið svo hálfa sítrónu yfir. Ef þú ert ekki “kóríander fan” þá er auðvitað ekkert mál að sleppa honum.

6. Á síðustu mínútunum er spínati og brokkolí bætt útí karríið ásamt svörtum pipar. Þessu er síðan leyft að malla saman.

7. Þegar allt er klárt og komið á diskinn er fullkomið að strá sólblómafræjum yfir til að auka lúxusinn og fyrir „extra crunchieness“.

Afgangarnir geymast í þéttu íláti í 4-6 daga. Einnig er sniðugt að setja afgangana í „zip lock poka“ og frysta til að eiga síðar.

Njótið vel!

Til að skoða meira hvað Helga Gabríela er að gera kíktu hér.