fbpx
Laugardagur 29.nóvember 2025

Ný plata frá Misþyrmingu

Ritstjórn DV
Laugardaginn 15. júní 2019 12:30

Misþyrming Mynd: Void Revelations.

Ekki missa af Helstu tíðindum dagsins í pósthólfið þitt

Lesa nánar

Nýlega kom út platan Algleymi, önnur breiðskífa black-metal hljómsveitarinnar Misþyrmingar. En hún ku vera á meðal fremstu sveita í nýrri tegund tónlistar, Icelandic Black Metal. Platan fer vel af stað og fellur gagnrýnendum vel í geð. Sem dæmi lenti platan í ellefta sæti á lista Billboard í flokknum World Albums.

 

Þrjú ár í vinnslu

Platan Algleymi hefur verið nokkuð lengi í vinnslu en upptökur hófust árið 2016. Þegar fyrsta útgáfa var tilbúin í upphafi ársins 2017 var hætt við útgáfu þar sem hljómsveitarmeðlimir voru ekki nógu ánægðir með útkomuna. Eftir tvö og hálft ár til viðbótar er Algleymi nú loksins fáanleg.

Platan var hljóðrituð af forsprakka sveitarinnar, sem kallaður er D.G. Var hún fullunnin til útgáfu í hljóðverinu Orgone Studios í Bretlandi en upptökustjóri var Jamie Gomez Arellano. Um hönnun umslags sá myndlistarmaðurinn Manuel Tinnemans, sem hefur áður unnið með black metal-hljómsveitum. Til dæmis Deathspell Omega frá Frakklandi og Urfaust frá Hollandi.

Misþyrming var stofnuð árið 2014 og ári seinna kom fyrsta platan út, Söngvar elds og óreiðu. Hefur hljómsveitin verið mjög virk síðan í tónleikahaldi og kom meðal annars fram á KEXPort árið 2016, árlegri sumarhátíð Kex Hostels á Skúlagötu.

 

Hátíð í Mosfellsbæ

Til að fylgja plötunni eftir mun Misþyrming halda tónleikaferðalag um Evrópu frá september næstkomandi. Þá kemur sveitin einnig fram á hátíðinni Ascension í Hlégarði í Mosfellsbæ. Þar munu koma fram þrjátíu hljómsveitir, flestar black metal-sveitir, frá Íslandi og erlendis frá.

Auk Misþyrmingar munu meðal annars koma fram Antaeus frá Frakklandi, Gost frá Bandaríkjunum, Jupiterian frá Brasilíu og Wlvennest frá Belgíu. Hátíðin er haldin 13. til 15. júní.

Algleymi er nú aðgengileg á Spotify, YouTube og fleiri streymisveitum en einnig geisladiskur og vínylútgáfa. Síðar á árinu mun platan koma út á kasettu.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

EyjanFastir pennar
Fyrir 9 klukkutímum

Óttar Guðmundsson skrifar: Hallgrímur Pétursson í jólabókaflóðinu

Óttar Guðmundsson skrifar: Hallgrímur Pétursson í jólabókaflóðinu
433Sport
Fyrir 17 klukkutímum

Langskotið og dauðafærið – Græðir þú á áframhaldandi hörmungum Liverpool?

Langskotið og dauðafærið – Græðir þú á áframhaldandi hörmungum Liverpool?
433Sport
Fyrir 17 klukkutímum
Stórt skref fyrir ÍTF
433Sport
Fyrir 19 klukkutímum

City ætlar að slást við Arsenal og Real Madrid um næstu stjörnu Spánar

City ætlar að slást við Arsenal og Real Madrid um næstu stjörnu Spánar
Fréttir
Fyrir 19 klukkutímum

Þórhallur segir Sigríði ekki eiga að trúa Herdísi – „Fréttastofa Sýnar, Vísir og Bylgjan eru alls ekki ósjálfbær“

Þórhallur segir Sigríði ekki eiga að trúa Herdísi – „Fréttastofa Sýnar, Vísir og Bylgjan eru alls ekki ósjálfbær“
Fréttir
Fyrir 21 klukkutímum

Sakar Stefán Einar um að misnota Morgunblaðið – „Þetta lið hlær að ykkur“

Sakar Stefán Einar um að misnota Morgunblaðið – „Þetta lið hlær að ykkur“
433Sport
Fyrir 21 klukkutímum

Stjórinn undir pressu og tvö áhugaverð nöfn á blaði

Stjórinn undir pressu og tvö áhugaverð nöfn á blaði