Fyrri bækurnar, Hrafnsauga, Draumsverð og Ormstunga, hlutu frábærar viðtökur og fyrir þá fyrstu fengu höfundarnir, Kjartan Yngvi Björnsson og Snæbjörn Brynjarsson, meðal annars Bókmenntaverðlaun starfsfólks bókaverslana.
Vetur er skollinn á. Langt í norðri berjast Janarnir f yrir lífi sínu – hreindýrahjarðirnar týndar og vistir á þrotum. Í austri skelfur jörðin undan stærsta her sem heimurinn hefur séð og með honum ríður úlfariddarinn Breki, tilbúinn að berjast í nafni Temúls Bataars. Í suðri, í gróðursælum hlíðum Verdys, hlýtur Sirja þjálfun í listum sverðameistaranna og uppgötvar leyndardóma ófreskisins. Hjá forna vitringnum Kymros lærði Ragnar að beisla mátt sinn áður en hann sneri bakinu við lærimeistara sínum. „Nú liggja tættar líkamsleifar hans undir rústum hins svarta turns.“
Útgáfuboð fer fram í dag, sjá viðburð á Facebook hér.
