Hin bandaríska Andie Fontaine markaði tímamót árið 2007 þegar hún var fyrsti innflytjandinn til að taka sæti á Alþingi. Í fyrrasumar kom hún út úr skápnum sem transkona og tilkynnti að kynleiðréttingarferli hennar væri að hefjast. Hún var þá fyrsta transmanneskjan til að hafa setið á Alþingi. Hún skilgreinir sig einnig sem kynsegin manneskju, eða non-binary og notar því fornöfnin hún eða hán (she/they).

Sjá einnig: Fyrsti innflytjandinn á þingi verður jafn framt sá fyrsti trans og kynsegin

Andie hefur nú fundið ástina og greinir frá því á Facebook.

„Ef þú varst að reyna að ná mig síðastliðna viku þá var ég í burtu því ég var að eyða tíma með þessari yndislegu og ótrúlegu konu, sem hefur sýnt mér ást og góðvild sem ég vissi ekki að væri til. Ástin verður sterkari og dýpri með hverjum degi og mér finnst ég í alvöru vera heppnasta stúlkan í heiminum. Það er ekkert sem ég hlakka til meira en þegar við munum, mjög fljótlega, búa til heimili og líf saman, hlið við hlið. Ég er svo sannarlega blessuð og virkilega spennt að vera eiginkona hennar,“ skrifar Andie á Facebook.

Sú heppna heitir Ada Putnam og býr í New York samkvæmt Facebook.

Fókus óskar parinu innilega til hamingju.