Mitch Larsson var lögfræðingur og síðan heimavinnandi faðir áður en hann ákvað að reyna fyrir sér á nýjum starfsvettvangi 41 árs gamall. Hann varð þá fylgdarsveinn og er óhætt að segja að hann hefur lært margt um konur og kynlíf síðustu ár og segir að fullnægingar „skipti ekki öllu máli.“
Mitch Larsson er ekki hans raunverulega nafn en hann kallar sig það í pistli sem birtist á bodyandsoul.com.au.
Hann segir að ákvörðunin um að verða fylgdarsveinn sé sú besta sem hann hefur tekið. „Viðskiptavinir mínir hafa veitt mér innsýn í líf þeirra sem mjög fáir menn fá að sjá og ég titla mig nú ekki sem einhvern kvennasérfræðing en vil samt sem áður deila því sem ég hef lært,“ segir hann.
„Konurnar sem ég hef kynnst vita hvað þær vilja í svefnherberginu en þeim líður oft ekki nægilega vel, eða er ekki látið líða nægilega vel, til að segja það skýrt og skilmerkilega.
Þær spyrja: „Er þetta í lagi?“, „Hvernig finnst þér þetta?“ og jafnvel „Er ég að gera þetta rétt?“ En þær segja mér sjaldan hvernig þeim líður nema ég beinlínis hvetji þær til þess.
Viðskiptavinir mínir vita augljóslega betur en ég hvað þeim finnst gott þannig það gerir starf mitt auðveldara að spyrja þær hvernig er best fyrir þær að fá fullnægingu.“
„Þegar ég tala við viðskiptavini mína um hvað hjálpar þeim að fá fullnægingu þá fullvissa ég þær um að ég hef jafn gaman af ferlinu og þær.
Ég vil að þær viti að þær geti slakað á og þurfi ekki að hafa áhyggjur af minni ánægju. Ég hvet þær til að nánast „blokka“ mig út og gleyma að ég sé þarna ef það er nauðsynlegt svo þær geta einbeitt sér að því að fá það. Ég skil að þetta ferli tekur tíma og þolinmæði – lengri tíma fyrir sumar, styttri fyrir aðra. Allt frá fimm til fimmtán mínútum svona oftast.“
„Þegar viðskiptavinir mínir fá það ekki þá kemur það mér alltaf jafn mikið á óvart að það trufli þær varla. Það væri auðvitað frábært ef þær myndu fá það í hvert einasta skipti en það er allt ferlið sem þær njóta og sækjast eftir. Spjallið, daðrið, kossarnir og kúrið eftir kynlífið.
Það er mjög sjaldgæft að viðskiptavinir verða pirraðir því þeir fá það ekki og ætlast til að tíminn klárist ekki fyrr en þeir fái fullnægingu en það er ekki rétt. En flestar þeirra eru meira en sáttar með nándina.“
