Leikkonan og raunveruleikastjarnan Lisa Rinna ræddi hreinskilið og hispurslaust um hvernig kynlíf er eftir sextugt í samtali við Cosmopolitan.

Sjá einnig: 60 ára og fagnaði nýju ári með svakalegri nektarmynd

Lisa Rinna hefur verið með eiginmanni sínum, Harry Hamlin, í þrjá áratugi. Hún opnaði sig um hvernig kynlíf þeirra hjóna hefur breyst með tímanum í viðtalinu.

„Ég held að löngun breytist hjá karlmönnum. Það er bara eðlileg þróun lífsins. Þannig það þarf að læra að lifa með því án þess að taka því persónulega sem kona. Ég held að þetta snúist meira um félagsskap og að búa til rými fyrir hæðir og lægðir kynhvatar.“

Hún tók það samt skýrt fram að hún og Hamlin laðist enn mjög mikið að hvort öðru.

„Kynlífið okkar er frábært og hefur alltaf verið það. Það gerist kannski bara ekki jafn oft og þegar við vorum á þrítugs- og fertugsaldri. Og það er eðlilegt að mínu mati.“

Aldur bara tala

Raunveruleikastjarnan sagði einnig að hjónin láta aldurinn ekki hægja á sér.

„Mér líður ekki eins og ég sé 60 ára og Harry líður ekki eins og hann sé 72 ára. Þetta er bara tala og þegar ákveðin tala kemur upp hugsar maður: „Ó, fokk!“ Og það er eitthvað sem ég mun alltaf berjast gegn. Ég hef hugsað mikið um þetta, því ég varð sextug í júlí, og það er alltaf talað um að eldast með reisn. En ég hugsaði: „Fjandinn hafi það, ég ætla að gera öfugt við það,“ sagði hún.

Þess vegna ákvað hún að sitja fyrir nær nakin fyrir forsíðu Cosmopolitan. Hún sagðist líta á þetta sem tækifæri til að sýna konum, sérstaklega dætrum sínum, fyrirsætunum Delilah Hamlin, 25 ára, og Ameliu Hamlin, 22 ára, að það sé hægt að vera kynþokkafull á öllum aldri.