Testa, 23 ára, gekkst undir Brazilian butt lift fegrunaraðgerð en laug því að hafa ekki gengist undir slíka aðgerð þegar aðdáendur hennar tóku eftir breyttu útliti.
Brazilian butt lift er aðgerð þar sem fita er notuð til að fylla í rass og mjaðmir. Hún er ein sú hættulegasta sem völ er á en dánartíðni er mjög há miðað við aðrar fegrunaraðgerðir, talið er að um einn af hverjum þrjú þúsund sem gangast undir aðgerðina láti lífið.
„Í heilt ár þá laug ég að fylgjendum mínum að hafa gengist undir BBL. Ég sagði öllum fylgjendum mínum að ég hafði ekki lagst undir hnífinn þegar sannleikurinn er sá að ég var bara að ljúga,“ segir hún í myndbandi á TikTok.
„Þetta er eitt af því ógeðslegasta sem ég hef gert og ég sé eftir þessu á hverjum einasta degi, og ég hef reynt að minnka skaðann sem ég hef valdið, ekki bara mér heldur einnig hjá ungum stúlkum, vegna lyga minna.“
Testa segir að ástæðan fyrir því að hún hafi gengist undir aðgerðina hafi verið óöryggi. Hún segir að fyrrverandi kærasti hennar hafi verið mjög hrifinn af konum sem höfðu þetta „BBL útlit“.
„Ég varð óörugg og byrjaði að horfa öðruvísi á mig sjálfa,“ segir hún.
Hún segir að eftir aðgerðina hafi hana langað að vera hreinskilin við fylgjendur en hún ákvað að halda þessu leyndu af ótta við gagnrýni.
„Ég skammaðist mín,“ segir hún.
Testa segist sjá eftir því að hafa logið en sér ekki eftir því að hafa gengist undir aðgerðina.
@mikaelatesta♬ original sound – Mikaela Testa
