Tónlistarmaðurinn Már Gunnarsson tilkynnti í gær á Facebook-síðu sinni að hann og tónlistarmaðurinn, leikarinn og myndlistarmaðurinn Þórhallur Sigurðsson, sem þjóðþekktur er undir nafninu Laddi, séu í þann mund að senda frá sér jólalag sem þeir flytja saman.

Lagið kemur út næstkomandi sunnudag en Már skrifar í færslunni:

„Lítið leyndarmál afhjúpað.

Orð fá því varla lýst hve stoltur og spenntur ég er að gefa út jólalag með goðsögninni Ladda.

Lagið kemur út á sunnudaginn og það myndi hjálpa okkur mjög mikið ef þið væruð til í að pre-save/forvista lagið.

Sæll hvað ég hlakka til.“

Færslu Más í heild sinni má sjá hér að neðan og þar er meðal annars tengill sem hægt er að smella á til að forvista lagið.