Íbúar á suðvesturhorninu fengu vafalítið að finna fyrir gulu viðvöruninni sem var í gildi í gær með tilheyrandi roki og rigningu.
Kacey ákvað að láta leiðinlega veðurspá ekki á sig fá og skellti sér í Bláa lónið. Hún birti myndband á Instagram-síðu sinni frá heimsókn sinni í lónið en í byrjun myndbandsins birti hún fallegar myndir frá Getty Images af gestum í fullkominni afslöppun í lóninu – eitthvað sem hún hafði vonast eftir að fá að upplifa.
Annað kom á daginn og áttu Kacey og vinkonur hennar í fullu fangi við að berjast við vindinn og halda drykkjunum sínum ofan í glösunum.
Kacey er vel þekkt tónlistarkona og hefur hún unnið til sex Grammy-verðlauna á ferli sínum þrátt fyrir að vera aðeins 35 ára gömul. Fylgjendur hennar á Instagram eru 2,3 milljónir talsins.
View this post on Instagram
