Þjálfarinn Nanna Björk Elvarsdóttir kveður niður algengar mýtur um hreyfingu og mataræði.

1. Þú fitnar af kolvetnum

„Þetta er ekki rétt þó rosalega mikið af fólki trúir þessu ennþá. Þú fitnar ekki af kolvetnum. Þú fitnar af því að borða of margar kaloríur.“

2. Til að missa fitu af maganum þarftu að gera kviðæfingar

„Þetta er ekki rétt. Kviðæfingar þjálfa kviðvöðvana og staðbundinn fitumissir er ekki til. Við getum ekki ráðið því hvar líkaminn missir fitu og hvar ekki.“

3. Ef þú svitnar mikið á æfingu þá tókstu góða æfingu

„Auðvitað getur verið að þú svitnir mikið á góðri æfingu en bara það að þú svitnir mikið þýðir ekki að þú hafir tekið góða æfingu. Sviti er leið fyrir líkamann til að kæla sig niður. Ekki mælikvarði á hvað þú brenndir mikið eða stóðst þig vel á æfingu.“

4. Þú fitnar meira af mat sem þú borðar seint á kvöldin

„Það skiptir engu máli hvað klukkan er þegar þú borðar. Ef þú borðar of margar kaloríur þá fitnarðu, ef þú borðar ekki jafn margar kaloríur þá fitnarðu ekki, sama hvað klukkan er.“

5. Það eru til ákveðnar matvörur sem láta líkamann brenna líkamsfitu eins og eplaedik og sellerí

„Nei… Ég hef eiginlega ekkert meira að segja en nei,“ segir hún hlæjandi.

@nannaelvarsfitness5 mýtur um hreyfingu og mataræði♬ Storytelling – Adriel

Fylgstu með Nönnu á Instagram og TikTok. Hún deilir reglulega alls konar fróðleik tengdum hreyfingu og næringu.

 

View this post on Instagram

 

A post shared by Nanna Elvars Fitness (@nannaelvarsfitness)