Samkvæmt heimildum People er liðinn dágóður tími síðan hjónin skildu að borði og sæng en þau búa enn undir sama þaki á meðan þau ákveða framhaldið. Þau hafa verið gift í 27 ár og eiga saman fjórar dætur.
Richards er ein af húsfreyjunum í The Real Housewives of Beverly Hills.
Sjá einnig: Hollywood nötrar vegna nýjustu tíðinda – Skilin eftir 27 ára hjónaband
Það er óhætt að segja að skilnaðartíðindin hafi vakið athygli og er slúðurmyllan komin á fullt. Nú setja aðdáendur spurningarmerki við samband Richards og kántrísöngkonunnar Morgan Wade.
Netverjar hafa sett fram kenningu um að Wade hafi spilað afgerandi hlutverk í hjónaslitunum.
Nokkrum vikum áður en fregnir af skilnaðinum rötuðu í fjölmiðla birti Richards myndir á Instagram og skrifaði með: „Lífið undanfarið.“
Wade var á tveimur myndum en Umansky sást hvergi. Hann hefur ekki sést á samfélagsmiðlum Richards í nokkra mánuði, sem gengur heim og saman við heimildir People; að það hefur liðið „einhver tími“ síðan þau skildu að borði og sæng.
Wade er þó nokkuð yngri en Richards. Raunveruleikastjarnan er 54 ára og kántrísöngkonan er 28 ára.
Aðdáendur hafa reynt að leita svara á Instagram-síðu Richards og telja hana vera að gefa þeim vísbendingar um að hún sé komin í nýtt samband með Wade.
„Ætli þú sért ekki hætt að fela sambandið,“ sagði einn netverji.
„Hún er að segja okkur, án þess að segja okkur þetta beint,“ sagði annar.
Konurnar hittust fyrst í febrúar 2022 og hafa síðan þá orðið mjög nánar. Richards fór með Wade á Americana-tónlistarverðlaunahátíðina í september í fyrra. Síðan þá hafa þær ferðast mikið saman, þær hafa meðal annars farið saman til Mexíkó með vinum og til Atlanta í Bandaríkjunum til að hitta fjölskyldu Wade.
Einn glöggur netverji tók eftir því að þær hafa verið með svipaða hringi á fingrum undanfarnar vikur og að þær séu einnig með alveg eins hjartatattú.
Þetta eru ekki einu vísbendingarnar um að stjörnurnar séu að stinga saman nefjum. Wade fékk sér nýlega stafinn „K“ tattúveraðan á handlegginn.
En enginn veit fyrir vissu hvort þær séu saman eða ekki fyrr en þær tjá sig sjálfar um málið.
Richards gaf út yfirlýsingu á Instagram í morgun og sagði að hvorki hún né Umansky hafi verið ótrú hvort öðru.
