Íslendingar á höfuðborgarsvæðinu og víðar vöknuðu við vondan draum í morgun þegar þeir litu út um gluggann. Nýfallin fönn blasti við og þurftu ökumenn að skafa bíla sína og sýna aðgát í umferðinni, þar sem flestir hafa þegar sett sumardekkin undir ökutækin.
Einn af þeim sem hefur barist hvað mest fyrir að lögreglan hefji að sekta af krafti þann 15. apríl, en ekki 1. maí, fyrir notkun nagladekkja er sjónvarpsmaðurinn og fyrrverandi borgarfulltrúinn Gísli Marteinn Baldursson.
Athafnamaðurinn Sigmar Vilhjálmsson, betur þekktur sem Simmi Vill, lætur Gísla Martein heyra það á Twitter.
„Eruð þið lögreglan ekki örugglega að sekta alla sem eru á nagladekkjum? Kannski réttast að svipta þá á staðnum! Sammála Gísli Marteinn?“
Eru þið @logreglan ekki örugglega að sekta alla sem eru a nagladekkjum? Kannski réttast að svipta þá á staðnum ! Sammála @gislimarteinn ? pic.twitter.com/TbBSAp58JI
— Simmi Vil (@simmivil) April 27, 2023
Simmi deilir einnig hljóðklippu úr síðasta þætti af hlaðvarpinu 70 mínútur, en þar ræddu þeir Hugi um nagladekk og Gísla Martein. En Simmi hefur ekki legið á skoðunum sínum og hvað honum finnst um, eins og hann kallar það, ástríðu Gísla Marteins.
Ræddum þetta einmitt i siðustu viku i Podcastinu https://t.co/qX4k9XArUQ pic.twitter.com/DLJGFpR6Il
— Simmi Vil (@simmivil) April 27, 2023
Þetta er ekki í fyrsta sinn sem þeir deila um nagladekk. Það sauð upp á milli þeirra á Twitter árið 2019.
Sjá einnig: Simmi Vill blandar sér í málið – Gísli segir hann trylltan: „Ég veit ekki hvað hefur komið fyrir þig Sigmar“
Gísli Marteinn hefur verið ötull talsmaður gegn nagladekkjum og hefur lýst því yfir að hann vilji að lögreglan á höfuðborgarsvæðinu byrji að sekta strax 15. apríl.
Það er mikill ljóður á ráði hinnar ágætu @logreglan á hbsvæðinu að taka þá gerræðislegu ákvörðun að framfylgja ekki banni við nagladekkjum eftir 15. apríl. Það eru engar þær ‘akstursaðstæður’ uppi á hbsvæðinu sem rökstyðja undanþáguatkvæðið. 1/3
— Gísli Marteinn (@gislimarteinn) April 14, 2021
Ef e-r kemur akandi til Rvk frá snjóþungu svæði, yfir ísilagðar heiðar þá er hægt að beita undanþágu. En að láta allan fjöldann ausa yfir borgarbúa heilsuspillandi svifryki vegna slíkra tilvika er fráleitt og @aslaugarna ætti að tjá sig um þessi fráleitu vinnubrögð löggunnar.3/3
— Gísli Marteinn (@gislimarteinn) April 14, 2021
Hann tjáði sig síðast um notkun nagladekkja eftir tilsettan tíma fyrir tíu dögum. Hann deildi frétt Mbl þar sem Svava S. Steinarsdóttir, heilbrigðisfulltrúi hjá heilbrigðiseftirliti Reykjavíkur, gagnrýnir lögregluna fyrir að sekta ekki fyrir akstur á nagladekkjum fyrr en í maí.
„„Börn sem vaxa upp nálægt umferðarþungum götum geta verið með skerta lungnarýmd af þessum orsökum“
Svifryk veldur líka hjartaáföllum og tugum ótímabærra dauðsfalla árlega. En ríkisstjórnin virðist bara sátt við þetta makalausa gerræði löggunnar.“
„Börn sem vaxa upp nálægt umferðarþungum götum geta verið með skerta lungnarýmd af þessum orsökum“
Svifryk veldur líka hjartaáföllum og tugum ótímabærra dauðsfalla árlega. En ríkisstjórnin virðist bara sátt við þetta makalausa gerræði löggunnar.https://t.co/Jx8VEcJ5u2— Gísli Marteinn (@gislimarteinn) April 17, 2023
