Áslaug Arna Sig­ur­björns­dótt­ir, há­skóla-, iðnaðar- og ný­sköp­un­ar­ráðherra, og systkini henn­ar, Magnús og Nína Kristín, efna til fimm kíló­metra hlaups þann 1. maí, á af­mæl­is­degi móður þeirra. Kristín Steinarsdóttir var fædd 1. maí 1959, en hún lést 12. nóvember 2012.

Hlaupið er til styrkt­ar Ein­stök­um börn­um og mun helm­ing­ur upp­hæðar­inn­ar renn­ur til systkin­astuðnings og Systkina­smiðjunn­ar.

Allir velkomnir að hlaupa með

„Öll geta tekið þátt í hlaup­inu, eng­in tíma­taka, má ganga og hlaupa, með vagn, stól, börn eða bara sjálf­an sig. Í boði verður líka að taka styttri hring, aðallega verður þetta gert til skemmt­un­ar,“ skrif­ar Áslaug Arna  á Face­book. Lagt verður af stað frá Hafn­ar­torgi, fyr­ir fram­an Kola­portið, klukk­an 11.