Fjölmiðlakonan Helga Arnardóttir og leikstjórinn Bragi Þór Hinriksson gengu í heilagt hjónaband á laugardag.
Séra Guðni Már Harðarson gaf þau saman við fallega athöfn í Dómkirkjunni en hringaberi var dóttir Helgu, hin átta ára Margrét Júlía Reynisdóttir. Margrét Júlía lék einmitt í fjölskyldumyndinni Birta sem var frumsýnd á síðasta ári og Helga skrifaði handritið að en Bragi leikstýrði. Alls eiga þau fjögur börn, þar af saman tveggja ára son.
Eftir athöfnina var blásið til veislu í Iðnó þar sem veislustjóri var Guðfinnur Sigurvinsson.
DV óskar hjónunum til hamingju.