Vangeliya Pandeva Gushterova, betur þekkt sem Baba Vanga, fæddist í Búlgaríu 1911. Hún fæddist fyrir tímann sem olli ýmsum kvillum sem áttu eftir að plaga hana alla ævi.
Missti sjónina en fékk spádómsgáfu
Foreldrar hennar voru bláfátækt bændafólk sem hafði engin tök á að leita læknisaðstoðar. Baba Vanga fæddist meðal annars sjónskert og fór því aldrei í skóla og missti sjónina 12 ára gömul. Hún lærði aldrei að lesa né skrifa en hélt því fram að guð hefði talað við sig þegar hún varð blind og sagt henni að hann hefði gefið henni spádómsgáfu í stað sjónarinnar.
Svo Baba Vanga hóf að spá og smám saman dreifðist orðrómur um nákæmni spádóma hennar um austur Evrópu og á áttunda áratugnum var hún orðin heimsþekkt fyrir spádóma sína. Fólk, fræðimenn og ekki síst fyrirmenni, þyrptust í litla þorpið hennar til að skrá niður spádómana og spyrja um framtíðina.
Hún mun hafa spáð fyrir hruni Sovétríkjanna, dauða Stalíns, sameiningu Þýskalands, hryðjuverkárásunum í New York, flóðbylgjunni í Tælandi, Brexit, dauða Díönu prinsessu og kosningu bæði Obama og Trump, svo aðeins fátt eitt sé nefnt.
Sagt er að 85% spádóma hennar hafi reynst réttir hingað til.
Spádómar hennar ná allt til ársins 5079 en hún segir jörðina munu farast það ár.
Hvað með 2023?
En hverjar eru spár Baba Vanga fyrir komandi ár?
Þær eru vægast sagt ekki hressandi og samkvæmt Baba Vanga bíður mannkyns fremur ömurlegt ár. Áherslan er næstum öll á náttúruöfl, ekki einstaklinga eða stjórnmál, eins og oft áður.
Sólstormur og sýklavopn
Ein skelfilegasta spáin fyrir árið 2023 er um sólstorm sem muni hafa skelfilegar afleiðingar. Hugtakið „sólstormur“ getur vísað til nokkurra fyrirbæra á yfirborði sólarinnar, til að mynda sólgoss sem gæti náð til jarðar og valdið jarðsegulstormum sem gætu hugsanlega gjöreyðilagt rafveitukerfi heimsins og valdið víðtækri eyðileggingu.
Hún spáði einnig að prófanir á líffræðilegum vopnum, sýklavopnum, fari fram í stóru landi og hafa í för með sér hræðilegar afleiðingar. Hún tók ekki fram hvort það yrðu stjórnvöld eða aðrir, á við hryðjuverkahópa, sem yrðu ábyrgir né hverjar afleiðingarnar nákvæmlega yrðu.
Baba Vanga spáir einnig sprengingu í kjarnorkuveri 2023, en hún spáði réttilega fyrir Chernobyl slysinu.
Sem er áhyggjuefni, ekki síst vegna þeirrar hættu sem getur stafað af eyðileggingu kjarnorkuvera í Úkraínu. Sem aftur minnir á spá hennar frá 1979 um að Rússland muni stjórna heiminum undir stjórn ,,hættulegs leiðtoga“ og lýsti hún Pútin með óhugnalegri nákvæmni.
Hún tók þó árið, sem þetta myndi gerast, ekki sérstaklega fram
Barnaframleiðsla i verksmiðjum
Ein sérkennilegasta spá Baba Vanga fyrir árið 2023 er þó að að stjórnvöld víða um heim muni banna náttúrulegan getnað og þess í stað verði börn ,,framleidd“ í verksmiðjum á vegum ríkisstjórna viðkomandi landa.
Þar sem Baba Vanga skráði ekki spá sínar sjálf er enn rökrætt um hvað það sem skráð vari niður hafi raunverulega komið frá henni eða hvort sumir þeir er skráðu, bættu eigin texta við.
Við getum huggað okkur við að margar af skelfilegum spám Baba Vanga um fyrri ár hafa ekki ræst auk þess sem Baba var oft óljós í spám sínum sem aftur hefur kallað á ótal útfærslur á spám hennar.
Baba Vanga lést árið 1994, 84 ára að aldri, en eru spár hennar enn grandskoðaður, ekki síst um áramót.
